O ANPA Río Tella ten como obxectivo primordial colaborar na mellora educativa do CEIP A Ramallosa, tentamos dedicar a maior parte do noso tempo a esta tarefa. Buscamos colaboracións en institucións tanto públicas como privadas, e nesta procura a Obra Social la Caixa a través da oficina d CaixaBank de Cacheiras propúxonos unha axuda para atender ao alumnado con “necesidade específica de apoio educativo” que require, de forma temporal ou permanente, apoios ou previsións educativas diferentes ás ordinarias.
Queremos agradecer a Laura Álvarez Poza (Xestora Colectivos de Caixabank), e a Nicolás Rivas Soilán (Director da Oficina de Caixabank de Cacheiras), ao profesorado do CEIP A Ramallosa e ao Concello de Teo o traballo realizado para poder dotar de material ao equipo de orientación do CEIP A Ramallosa e poder mellorar as condicións dos alumnos con necesidades específica de apoio educativo e a todo o alumnado do CEIP.
